Растејќи, Сури Круз ја следеле шпекулации за нејзиниот однос со Круз. Сега се откриваат нови детали, еден ден откако тој бил забележан на филмско снимање во Лондон, посветен на нов проект.

Сури Круз денес го прославува својот 18 роденден без нејзиниот татко Том Круз (61), кој со години е отсутен од животот на неговото најмало дете. Тој горчлив јаз во голем дел произлегува од одлуката на Кејти Холмс и Сури да ги прекинат односите со неговите контроверзни скиентолошки уверувања.

Раздорот кој започнал во 2012 година прераснал во голем ѕид кој Сури не сака да го урне. Таа сега е полнолетна, може сама да одлучува и додека извори блиски до оваа тинејџерка велат дека таа сè уште размислува за различни можности во врска со нејзината идна кариера, тие напомнуваат дека едно е кристално јасно: „Том Круз не постои за неа“.

„Да ѝ се јави, не би била достапна“

На нејзиниот роденден се прекинува единствената врска која постоела помеѓу неа и нејзиниот татко – онаа на хартија.

Том Круз престанува да ја плаќа алиментацијата која изнесувала 400.000 долари годишно. Но, дури и неговата потенцијална финансиска помош во иднина, не би ја поколебала Сури да се премисли, инсистираат изворите.

„Сури не би имала никаков контакт со нејзиниот татко и покрај тоа што има 18 години и дури и да ѝ се јави. Тој не постои ниту за Кејти, ниту за Сури и неговата ќерка не сака да се потпре на него во ништо.“

Порачале: „Таа чувствува дека има еден родител, а тоа е нејзината мајка“. Претставниците на Том Круз не ги коментирале овие наводи.

Посебниот однос на Сури и мајка ѝ Кејти Холмс, познатата наследничка бега од јавната сцена

Денешната славеничка со години живее со својата мајка во Њујорк. Од мајка си наследила многу, љубовта кон модата, страста за креативноста, но таа не сака да се занимава со јавна работа.

Сака да биде далеку од јавната сцена, колку што ѝ дозволува познатото потекло. Иако Сури допрва треба да ги зацврсти своите планови за иднината, се чини јасно дека таа нема намера да го следи патот по кој тргнале или чекорат бројни познати деца.

„Таа моментално ги разгледува опциите за иднината. Но, планира да се држи настрана од јавната сцена.“

Сури, меѓутоа, покажала голем интерес за модата, а изворите во март 2023 година откриле дека таа ја проучува темата колеџ и дека размислува за факултет во близина на Њујорк како не би била оддалечена од мајка си, што е желба и на Кејти Холмс.

Најверојатно нејзините студии ќе бидат поврзани со модата. Гласините велат дека амбициозната и талентирана Сури почнала да испраќа пријави за факултет на само 16 години со помош на нејзината мајка.

Каква и да биде нејзината одлука – Том Круз нема да има никаков удел во тоа.

Кејти Холмс ја заштитила својата ќерка од скиентологијата

Приказната која започна како навидум бајковита романса меѓу нејзините родители добила тажен крај. Круз во 2005 година скокал од среќа на каучот во шоуто на Опра Винфри додека зборувал за Кејти Холмс.

Неколку месеци подоцна, парот се венчал на елегантна и блескава церемонија која набрзо осамнала на страниците на списанието „Hello!“.

Сјајот набрзо почнал да згаснува. Пет и пол години подоцна актерката поднела барање за развод, а Том подоцна зборувал дека е „длабоко тажен поради тоа“.

Сури имала 6 години кога нејзините родители се развеле. По разводот, некои се прашувале дали нејзиното детство ќе биде во знакот на скиентологијата која ја следи нејзиниот татко.

Пристигнал и одговорот, Кејти добила целосно старателство над нејзината ќерка и ставила до знаење дека не планира да дозволи Сури да се вклучи во скандалозниот свет на скиентологијата.

Круз добил право да ја посетува својата ќерка, но нивната последна заедничка јавна фотографија била од Дизниленд истата година. На почетокот, важел договорот актерот редовно да се гледа со ќерка си. Меѓутоа …

Тој наводно не ја видел Сури повеќе од 100 дена истата година, помеѓу нивниот одмор во август и Денот на благодарноста во ноември.

Откако списанието „In Touch“ објавило дека Том ја напуштил својата ќерка, тој го тужел весникот за клевета, барајќи отштета од 50 милиони долари.

Како што се одвивал случајот на судот, тој признал дека не ја видел Сури 3 месеци, но додал дека тоа се должи на фактори кои биле надвор од неговата контрола. Тој објаснил дека имал интензивно снимање на акциониот филм „All You Need Is Kill“ во Лондон, кое дозволувало малку слободно време за било што.

„За жал, во оваа ситуација тоа беше невозможно“, изјавил тој пред судот, пренесува „People“. Се дознало дека во тоа време тој секојдневно ѝ се радувал на телефон, па нагласиле дека тоа не е исто како разговор во живо.

„Мора да работите на тоа. Станав многу добар во тоа. Кажувам прекрасни приказни“, зборувал тој во своја одбрана. Постоеле индиции дека Том Круз, кој неодамна ја прекинал врската со руската богаташка, и Кејти Холмс размислуваат за заедничко старателство.

Скиентологијата диктирала сè

Бидејќи актерот останува и понатаму моќна фигура во Скиентолошката црква, поранешните следбеници сугерирале дека на Том му било забрането да се гледа со Сури.

Во 2019 година, Саманта Доминго, која престанала да ја следи скиентологијата во 2004 година, тврдела дека на Том не му е дозволено да има контакт со својата ќерка бидејќи таа не е следбеничка на истата црква. Да напомниме, Круз е во добри односи со ќерката Изабел и синот Конор, кои ги посвоил со поранешната сопруга Никол Кидман и кои ги следат истите начела.

Двајцата не разговараат со својата мајка, наводно поради скиентологијата.

Авторката, која напишала книга за времето поминато во црквата, претходно за „US Weekly“ изјавила дека поради верувањето на црквата во реинкарнација, скиентолозите нема да гледаат на Сури како ќерка на Том. Наместо тоа, таа тврдела дека тие Сури ја гледале како „духовно суштество во телото на неговата ќерка“.

Меѓутоа, претставник на Скиентолошката црква ги отфрлил овие тврдења како фикција.

Во меѓувреме, Кејти Холмс соработувала со нејзината ќерка на филмовите кои таа ги режирала. Сури пее во тие остварувања, а актерката за „Yahoo“ истакнала дека нејзината наследничка е многу талентирана. Сепак, Кејти отсекогаш инсистирала дека нејзината ќерка пред сè е обична 16-годишна тинејџерка која посетува средно училиште. Сури дава совети за модата, а актерката понекогаш позајмила одредени модни додатоци од својата ќерка. Во 2011 година, кога Сури имала само 4 години, Кејти за „Elle“ изјавила дека нејзината ќерка често го коментирала нејзиниот стил на облекување.

Да потсетиме, Кејти Холмс и Том Круз беа во брак од 2006 до 2012 година. Зад себе ги има и браковите со Никол Кидман и Мими Роџерс.

Иако исплатата на алиментацијата на Том ќе престане на 18-тиот роденден на Сури, актерот сепак може да биде финансиски вклучен во нејзиниот живот бидејќи спогодбата за развод, наводно, вклучувала одредба дека тој ќе ја плаќа школарината.