Во написот преведен на француски јазик за литературното списание „La Nouvelle Revue Francaise“ (NRF), Ружди вели дека го тестирал „ChatGPT“ барајќи од него да напише 200 зборови во негов стил.

Вештачката интелигенција може да пишува трилери и научна фантастика, но не и сериозни романи

Тој го опишува резултатот како „куп глупости“.

„Ниту еден читател кој прочитал барем една од моите страници не може да помисли дека јас сум авторот. Прилично смирувачко“, вели тој.

„Проблемот е што овие суштества учат многу брзо“, вели авторот на „Сатански стихови“ и „Децата на полноќта“ и добитник на престижната Букерова награда, додавајќи дека вештачката интелигенција сепак може да ги загрози писателите на жанровската литература, како што се трилерите и научната фантастика, каде што оригиналноста е помалку важна.

Тој смета дека особено ранливи би можеле да бидат писателите на филмски и ТВ сценарија.

„Со оглед на тоа што во Холивуд постојано се снимаат нови верзии на исти филмови, вештачката интелигенција би можела да се користи за пишување сценарија“, вели Ружди.