Познатиот Германец прв кандидат за клупата на Барселона, еве кој уште може да го замени Чави

Точка

01/03/2024

19:21

3.140

Големина на фонт

а а а

Ханси Флик, поранешниот селектор на Германија и тренер на Баерн, како што пренесуваат шпанските медиуми, имал позитивна серија на разговори со челните луѓе на Барселона и се истакнал како прв кандидат на крајот од сезоната да го замени Чави Хернандез.

Флик е без работа од септември, откако го напушти селекторското место на германската репрезентација по поразот во пријателскиот натпревар со Јапонија (4-1).

Барселона на крајот од сезоната ќе остане без тренер, откако Чави кон почетокот на февруари го најави заминувањето од клубот.

Покрај Германецот, како можни кандидати да ја преземат Барселона се споменуваат и тренерот на Брајтон Роберто Де Зерби, Жозе Мурињо и тренерот на Баерн, Томас Тухел.

Флик пред репрезентацијата на Германија седеше на клупата на Баерн од Минхен, Хофенхајм и Викторија Баментал.

Како асистент работел во Салцбург, додека како фудбалер ги бранел боите на Сандхаузен, Баерн, Келн и Викторија Баментал.




Спонзорирани линкови

Маркетинг