Кралот Чарлс се врати во Лондон откако му беше дијагностициран рак и се сретна со надворешниот свет за првпат по неговата дијагноза.
Иако кралот Чарлс продолжи да ги извршува обврските од дома, овој пат се сретна со британскиот премиер Риши Сунак во Бакингемската палата.
Кралот и Сунак прво разговарале на телефон, а потоа се појавиле фотографии од нивната средба, каде Сунак открил дека е многу среќен бидејќи кралот изгледал добро.
„Сите сме со тебе, земјата е со тебе“, му рекол премиерот на кралот.
Чарлс не е познат по тоа што покажува емоции во јавноста, но овој пат не можеше да се воздржи.
"Добив толку многу прекрасни пораки и честитки. Многу од нив ми донесоа солзи", рекол кралот со солзи во очите.
King Charles 'reduced to tears' by support after cancer diagnosis https://t.co/qdXzonxtUd
— Citizen TV Kenya (@citizentvkenya) February 22, 2024
Фотографиите на кралот Чарлс со солзи во очите набрзо ги преплавија социјалните мрежи.
Да потсетиме, кралот на почетокот на февруари открил дека има рак, оттогаш цело време го поминувал на кралскиот имот во Сандрингем, додека патувал во Лондон на лекување и средби во палатата.