Како настанала песната која стана симбол за отпор, храброст и истрајност – „Bella Ciao“: Сите ја пееме, а можеби немаме поим што се крие зад нејзините стихови

14/02/2024

12:12

5.910

Големина на фонт

а а а

Италијанската народна песна „Bella Ciao“ станала симбол за отпор, храброст и истрајност.

„Bella Ciao“ е песната која сите ја обожуваме и со задоволство секогаш ја пееме, но малкумина знаат што се крие зад тие италијански стихови.

„Збогум убавице“ е песна на италијанските партизани настаната за време на Втората светска војна. Ја пеело левичарското антифашистичко движење на отпор во Италија, а подоцна се проширила и во други делови од светот. Авторот на текстот е непознат.

Во оваа италијанска народна песна партизан се поздравува со својата девојка затоа што дошол окупаторот и тој мора да оди во војна.

Ја моли, кога ќе дојде тој ден, да го погреба така што да се знае дека животот го дал за борбата за слобода.

Настанување на песната „Bella Ciao“

Верзијата на песната каква што ја познаваме денес настанала како песна на антифашистичкото движење во Италија.

Меѓутоа, корените на оваа песна настанале кон крајот на 19 век, а првата верзија била забележана во 1906 година.

Станува збор за песна која ја пееле жените од работничката класа од долината на реката По, познати како Мондини кои протестирале против ужасните работнички услови.

Мондините го поминувале целиот работен ден боси во вода до колена и наведнати, работејќи во полињата за ориз, а доаѓале од најсиромашните општествени слоеви. Таквите работни услови довеле до побуна и протести.

Верзијата настаната кон крајот на Втората светска војна има измени во текстот во однос на првобитната верзија.

Измените биле направени меѓу 1943 и 1945 година и пеат за човек којшто отишол да се бори со германските нацисти и којшто умира во текот на битката.

Тој како партизан бара да биде погребан во планина каде ќе порасне цвет којшто ќе ги потсетува луѓето на партизаните.