Станбената зграда го дели мислењето меѓу Швеѓаните откако беше изградена во 2013 година на брегот на Ботнискиот залив.

Противниците на модернизмот ја нарекуваат најгрдата зграда во шведскиот град Орнсколдсвик и провинцијата Ангерманланд.

Други пак, ја фалат нејзината иновативна конструкција и необичниот дизајн.

„Ting1“ се состои од 11 ката, 51 стан и 78 испакнати стаклени балкони со впечатливи бои, сместени над трикатна бетонска зграда во необруталистички стил, изградена во 1967 година.

И не, нема физички контакт помеѓу двата дела благодарение на дискретно поставената база во дворот на старата судница, на која е изграден облакодерот.

Изгледа како коронавирус

Шведскиот архитект Вингорд црпел колористичка инспирација за зградата од пикселизираната верзија на сликата „Женски танц“, масло на платно, на локалниот уметник Бенгт Линдстром.

Поради испакнатиот изглед и светлите бои, локалните жители ја нарекоа зградата „Лего куќа“, а некои тврдат дека ги потсетува на коронавирус гледан под микроскоп.

„Ting1“ е изграден на енергетски ефикасен начин во централниот дел на Орнсколдсвик - на 10 минути пешачење од железничката станица.

И додека можете да ја разгледате фасадата кога и да посакате, за да ја видите внатрешноста на зградата треба да бидете станар или пријател на некој што живее таму, пренесува „Punkufer.hr“.