Тиктокерката Кејси Тери Ребер била шокирана и збунета од необичната молба што нејзината ќерка му ја упатила на Дедо Мраз. Имено, Ребер како и многу други родители го однела своето дете да го запознае Дедо Мраз, а целата ситуација на крајот ѝ била многу непријатна.
„Ќерка ми седна во скутот на Дедо Мраз и му рече: „Еј, Дедо Мраз, можеш ли да ни донесеш малку храна? Немаме храна во куќата“, вели Ребер во видеото кое стана вирално.
Нејзината ќерка потоа продолжила да му објаснува на Дедо Мраз дека нејзините браќа и сестри понекогаш „наоѓаат храна дома“, но можат да ја добијат само ако се „многу добри“.
Кеси била прилично збунета и не разбирала за што зборува нејзината ќерка. На крајот по разговорот со ќерка си, таа сфатила за што станува збор.
„Таа мислела на храна за нејзината кујна-играчка“ во која девојчето си играло.
Видеото собра над 700.000 прегледи и повеќе од 3.000 коментари. Неколку други родители споделија слични примери на ситуации во кои нивните деца ги засрамиле.
„Брат ми ѝ кажа на наставничката дека неговата мајка отишла во рајот минатата недела. Бевме на одмор и таа постојано велеше: Ова е рајот“, напишал еден корисник.
Друг корисник открил: „Во училишното видео, на прашањето што сака за Божиќ, моето дете вели „топла куќа“. Сè уште не сум го зголемил затоплувањето“.
