Работници од Непал и од Бангладеш упорно се обидуваат да најдат работа во Македонија преку македонските огласници.
Тие се специјализирани за различни професии, претежно во градежниот сектор, и бараат плати кои се во рангот под просечната плата во земјата.
Според огласите, тие бараат од работодавачот да им обезбеди сместување и работна дозвола.
Во поглед на платите, градежните работници бараат плата од 25.000 до 27.000 денари.
Заварувачите бараат 26.000 денари, помошниците 24.000 денари, чистачите од 21.000 до 24.000 денари, а општите работници бараат 25.000 денари месечна плата.
Домашните економски експерти со коишто разговаравме велат дека прашање на време беше кога ќе бидеме „преплавени“ од странски работници кои ќе си го бараат своето парче леб во Македонија.
Како што велат, сето ова се случува како резултат на големиот одлив на нашата младина во странство, па автоматски се создава празнина на пазарот на труд, која може да биде пополнета од работници од други земји со понисок животен стандард.
„Македонија се соочува со политичка, економска и со здравствена криза, која не е забележана со децении во нејзиното постоење како држава. Пандемијата со коронавирусот го погоди силно работниот сектор, особено малите и средните претпријатија, кои се главниот извор на работни места. Во исто време, младите луѓе се отселуваат од татковината во потрага по подобри можности во други земји. Ова значи дека има помалку локални работници кои можат да ги задоволат потребите на пазарот на труд. Затоа, не е изненадувачки што има интерес од странски работници да дојдат во Македонија и да конкурираат за работа“, коментираат познавачите на состојбите.
Остатокот од текстот можете да го прочитате ТУКА.
