Тајфунот „Чампи“ донесе смрт и големи материјални штети на Тајван, при што едно лице загина, околу 530 се повредени, а илјадници домаќинства останаа без електрична енергија поради силните бранови и ветерот.
Едно лице загина, а речиси 530 лица се повредени во тајфунот „Чампи“, кој предизвика голема материјална штета на Тајван, соопштија денеска надлежните служби.
Маж загинал во четвртокот во јужниот дел на островот, откако брановите го повлекле во морето.
Во невремето паднале речиси 2.200 дрвја, а оштетени се повеќе од 700 објекти. Според медиумските извештаи, над 280.000 домаќинства привремено останале без електрична енергија.
Тајфунот „Чампи“, кој накратко достигна сила на супертaјфун, во меѓувреме ослабнал. Тајванската метеоролошка служба регистрирала постојана брзина на ветерот до 126 километри на час во близина на центарот на невремето, со налети до 162 километри на час.
Powerful waves battered Taiwan’s eastern coastline Friday as Typhoon Champi approached the island, bringing dangerous conditions to coastal areas. Taiwan’s Interior Ministry warned residents to stay away from coastlines and ports, citing dangerous waves and strong winds intensified by the approaching typhoon and northeast monsoon.
— CBS News (@CBSNews) October 23, 2026
Се очекува тајфунот да продолжи да се движи кон север и до недела да помине покрај кинеската крајбрежна провинција Џеџијанг.
