Свилен, сензуален и заводлив, фустанот којшто го носела Мишел Фајфер и денес важи за еден од најубавите.
Доколку се сетите на филмот „Scarface“ со популарниот Ал Пачино во улогата на Тони Монтана, сигурно внимание ви привлекла и прекрасната Мишел Фајфер во улогата на Елвира Хенкок.
Таа привлекла внимание кај филмските гангстери, а особено кај Тони Монтана којшто не останал имун на нејзината убавина и шарм.
Кога ја одглумила улогата на Елвира, Мишел имала само 25 години, а и 40 години подоцна се памети нејзиниот легендарен филмски фустан за заводничка.
Синиот, свилен фустан којшто го маѓепсал и Монтана за сите гледачи на овој филм станал култен.
Женствената и гламурозна креација со длабоко деколте украсена со лажни дијаманти, ефектно отворен грб и прорез до колковите никого не оставилa рамнодушен.
Фустанот бил инспириран од холивудскиот гламур на 30-тите години, односно стилот на Џин Харлоу, а минимализмот на фустанот всушност придонел за зголемување на сексапилот затоа што секој детаљ бил внимателно биран.
Се сеќавате ли на овој фустан и колку ви се допаѓа?
