Премиерот Димитар Ковачевски најави дека утре ќе испрати покани за лидерска средба до сите претседатели на парламентарните политички партии, како и до претседателот на Собранието, Талат Џафери.
Средбата, како што информираше Ковачевски, ќе биде закажана за понеделник.
Ќе се разговара на три теми – евроинтеграцијата, одржувањето на редовните претседателски и парламентарни избори, како и измените на Изборниот законик, информираше Ковачевски за време на прес-конференцијата во Владата со потпретседателот на Европската комисија и висок претставник на ЕУ за надворешни работи и безбедносна политика, Жозеп Борел.
Борел пред Ковачевски истакна дека уставните измени се клучни за продолжување на патот кон ЕУ и треба што побргу да бидат усвоен.
