Ориент Експрес беше првиот меѓународен луксузен воз во светот кој превезуваше илјадници патници низ Европа до Истанбул од 1883 до 1977 година.

140-годишнина од Ориент Експрес

За да ја прослави 140-годишнината од Ориент Експрес, „LEGO“ претстави нов сет од 2540 парчиња, кој содржи некои импресивни клучни карактеристики, вклучувајќи ја главната локомотива, патничките вагони и просторот за јадење и спиење.

Сетот „LEGO Ideas Orient Express“ доаѓа и со отстранливи покриви, што овозможува детален пристап до ентериерот. Вклучува 8 LEGO минифигури - кондуктер, готвач, персонал и разни патници кои прикажуваат различни ликови.

На грандиозниот приказ се видливи и украси од дестинациите кои возот ги посетил долж својата изворна рута.

Сетот го креирал 27-годишниот LEGO љубител Томас Лајон од Париз како дел од програмата „LEGO Ideas“. Откако дизајнот бил завршен, 10.000 луѓе гласале да се направи вистински сет од него.

Комплетот „LEGO Ideas Orient Express“ ќе биде достапен од 1 декември во продавниците на LEGO и на нивната веб-страница по цена од 299,99 евра.