Кога ќе кажеме слатка грчка пита, поголем дел од луѓето помислуваат на баклава. Сепак, после сочните баклави, ни стигнува доста поблага форма – прекрасен и сочен колач со име портокалопита.

Постојат разни верзии на овој колач, некои го преливаат со чоколадна глазура, но основниот рецепт секогаш е ист и ние ќе ви го претставиме денеска.

Состојки за колач:

- 400 грама кори за пита;
- 3 јајца;
- 280 грама грчки јогурт;
- 100 грама шеќер;
- 220 милилитри масло;
- Кора од 3 портокали;
- 1 лажица екстракт од ванила;
- Прашок за печиво.

Сируп:

- 300 грама шеќер;
- Сок од 3 портокали;
- 500 милилитри вода;
- 1 портокал исечкан на кругови;
- Цимет по желба.

Подготовка:

Загрејте ја рерната на 200 степени Целзиусови, а плех со големина 20х30 намачкајте го со масло. Корите за пита исечкајте ги на ситни парчиња и оставете да се исушат. Изматете ги јајцата и шеќерот, па додадете го јогуртот, маслото и прашокот за печиво. Во смесата додадете ја кората од портокал и ванилата. Во таа смеса постепено ставајте ги исечканите кори.

Смесата ставете ја во плех и печете 20-24 минути, додека не заруменат. Извадете го колачот и оставете да се излади, па со виљушка избоцкајте го.

Сируп: Шеќерот, сокот од портокал и водата ставете ги во сад и варете додека не почнат да вријат. Кога ќе почне да врие водата намалете ја температурата и оставете да крчка уште 5 минути. Додадете ги исечканите кругови портокал и цимет доколку сакате. Варете на пониска температура уште 15-на минути. Кога сирупот е готов распоредете го рамномерно на изладениот колач.

Оставете го колачот да го впие сирупот, а најдобро е да го јадете во текот на утрешниот ден за да биде посочен.

Уживајте во неодоливиот вкус!