Викторија веќе 7 месеци е на т.н. месојадна диета во која се консумираат исклучиво намирници од животинско потекло (со вода и сол), без овошје, зеленчук, растителни масла па дури и зачини.

Поранешната веганка тврди дека со ваквиот вид исхрана ги излекувалa здравствените проблеми како болки во зглобовите, акни, проблеми со синусите, главоболки и надуеност. Викторија рекла дека своевремено се препуштила на „веганската пропаганда“ и започнала секојдневно да пие овесно или бадемово млеко и да јаде зеленчук.

„Никогаш повеќе не би го подложила моето тело на тоа. Признавам дека најлошата одлука во мојот живот беше да се согласам дека веганството е правилно“, открила таа и додала дека никогаш не се чувствувала подобро.

Без овошје, зеленчук и шеќер

„Целосно ги исклучив сите видови шеќери: овошје, јаглехидрати и преработен шеќер. Не јадам растенија, не јадам зеленчук. Никогаш не би се вратила на таа храна бидејќи се чувствував многу лошо, а сега се чувствувам многу добро“, вели Викторија. Сега за појадок јаде јајца со сланина или плескавица, пие кафе со путер и секоја вечер јаде стек.

„Мислам дека секој што е заинтересиран за ваквата исхрана треба да ја разгледа и можеби тоа да го направи полека, со исклучување на храна од растително потекло и зголемување на месото и мастите“, заклучила таа.