„HRT“ сподели исечок којшто прикажува како изгледало преминувањето на граница во 1984 година, а кое потоа предизвикало полемика дали метежот и чекањето во минатото биле полоши во однос на денес.
Во спомнатиот прилог може да се слушне нараторот којшто зборува: „Имаше забелешки на долгото чекање и строгите прегледи на граничните премини што многу од потенцијалните гости ги одвраќа од желбата да дојдат на гости“.
Новинарската екипа одлучила да ги провери овие наводи и за еден час изброиле 240 автомобили кои ја преминале границата, наведувајќи во прилогот дека тоа практично значи преглед на секој автомобил којшто во просек трае три минути.
„Но со царината и цариниците и натаму немаме среќа, шефот на царинската управа одби да даде изјава и тоа им го забрани на своите службеници. Така се чини дека услугите, туризмот и информациите се грижа за едни, а царината и цариниците друга работа. Како оваа земја да не ја сочинуваме сите заедно“, се пожалил еден новинар во прилогот.
Vremeplov, 1984.Kako je bilo na graničnim prijelazima 1984. pogledajte u "Vremeplovu".
Posted by HRT Vijesti on Wednesday, September 20, 2023
На видеото се прикажани детални прегледи на патници, а во ТВ-прилогот се напоменува: „Царината не е никаква тајна, проблемите, доколку ги има настануваат поради недоволно познавање на правилата и прописите“.
Исто така, тие споделиле и совет за работниците во странство дека пред враќање во татковината треба да се распрашаат за сите потребни документи затоа што така ќе избегнат дополнителни чекања и ризик од дополнителни трошоци.
Уште една напомена имале на крај за цариниците: „Тие со повеќе љубезност би требале да си ја вршат работата. Само така нивната некогаш нељубезна постапка не би предизвикала поголеми проблеми од прописот којшто и тие и граѓаните мора да го почитуваат“.
Видеото предизвикало бројни реакции, како и полемики за тоа дали ситуацијата во минатото била подобра односно полоша во однос на денес.
