Творецот на култрниот стрип Алан Форд, Лучано Секи, по 650 објавени епизоди за италијанските медиуми изјавил дека на познатиот јунак му доаѓа крајот.
Познатиот стрип настанал при крајот на 60-те години. Приказната се одвива околу тајните агенти кои се борат против исклучително бизарните злонамерници. Акцијата се одвива во Њујорк и содржи бројни критики на сметка на американските друштва.
Алан Форд бил укинат во земји како Франција и Данска бидејќи не бил доволно читан, но во некогашна Југославија овој стрип бил еден од најпопуларните, покрај славата која и ден денес ја има во Италија. Овој стрип никогаш не бил преведен на англиски јазик и тоа е можеби главната причина поради која не доживеал глобална популарност.
Цитатите од овој познат стрип останаа популарни меѓу генерациите, а некои од нив и денес се прекажуваат без разлика дали сте фан на Алан Форд. Некои од најпопуларните цитати во прилог:
„Кој лета вреди. Кој не, не вреди.“
„Сега е моментот за големи одлуки. Подобро е да живееш сто години како милионер, отколку 7 дена во беда.“
„Овде стоиш ти, а лежам јас. Подобро би било да лежиш ти. А да стојам јас.“
„Не си ти глупав, само немаш среќа кога размислуваш.“
„Купете и цвеќе на саканата жена, но не ја заборавајте и својата сопруга.“
