По Венеција следат Рим со 82% и Барселона со 81,9%. На четврто место е Прага, а на петто Њујорк.

Ќе се наплаќа влез во Венеција

Инаку, Венеција следната година планира да воведе билети од 5 евра за еднодневните патници, како би се обидела да го менаџира пристигнувањето на туристите, соопштил градскиот совет. Билетот ќе се воведе пробно 30 дена, а фокусот ќе биде главно на пролетните одмори и летните викенди, кога бројот на туристи е на врвот. Би го плаќале сите посетители постари од 14 години.

Прекумерниот туризам долго време е проблем за кревкиот лагунски град. Експертите на УНЕСКО во јули ја препорачале Венеција и нејзината лагуна да се додадат на листата на загрозено светско наследство и тврдат дека Италија не прави доволно за да го заштити градот од ефектите на климатските промени и масовниот туризам.