Лионел Меси, легендата на Барселона, светскиот шампион со Аргентина и до неодамна фудбалер на Пари Сен Жермен, дефинитивно кариерата ќе ја продолжи во американската МЛС лига.
Меси размислуваше меѓу понудите од Саудиска Арабија, враќање во Барселона или одење „преку барата“ во МЛС, но според многумина, најдобриот фудбалер на 21 век, а можеби и на сите времиња, донесе одлука да игра во Соединетите Американски Држави и ќе игра за Интер од Мајами, кој е во сопственост на Дејвид Бекам, еден од најдобрите британски фудбалери на сите времиња.
?? BREAKING: Lionel Messi to Inter Miami, here we go! The decision has been made and it will be announced by Leo in the next hours #InterMiami
— Fabrizio Romano (@FabrizioRomano) June 7, 2023
?? Messi will play in MLS. No more chances for Barcelona/Al Hilal despite trying to make it happen.
???? ?? ??#Messi #MLS pic.twitter.com/OTYWIlEzNc
Оваа информација ја потврди и најдобро информираниот новинар кога се во прашање фудбалските трансфери, Фабрицио Романо.
„Лионел Меси во Интер од Мајами, одиме! Одлуката е донесена, а Лео ќе ја соопшти во наредните часови. Меси ќе игра во МЛС. Нема повеќе шанси за Барселона, и покрај обидите да го вратат назад“, напиша Романо.
