Видеото кое прикажува многу среќно куче кое трча во шума и гордо носи огромен стап станало вистински хит на социјалните мрежи.
„Толку брзо. Толку елегантно. Толку добро момче“, стои во описот на видеото кое е прегледано речиси четири милиони пати.
Снимката за помалку од една недела собрала речиси 630.000 лајкови, а воодушевените корисници на ТикТок не престануваат да ја коментираат урнебесната глетка.
„Најсилно куче во целата шума“, се пошегувал еден корисник, а друг забележал: „Толку е горд на себе“.
„Па тоа е навистина голем стап“, „Импресивно“, „Ова ме насмеа до солзи“, се само некои од бројните коментари под видеото.
