Серхио Рико заминал за Шпанија истата вечер по освоената титула во Лига 1, но откако го минал попладнето со своето семејство, доживеал голема трагедија и сега се бори за живот.
Голманот на ПСЖ доживеал страшен инцидент додека имал прошетка со својот коњ, а според најновите информации кои ги потврдија и луѓето од неговото семејство, Рико доживал судар со повеќе животни, а добил и удар со копито од разбеснет и побегнат коњ откако паднал на земја.
Во официјалното соопштение кое го достави неговата агенција, се цитира најблиското семејство на Серхио и во истото се потенцира дека клучни ќе бидат следните 48 часа.
– Серхио Рико отпатува од Стразбур за Малага веднаш по освоената титула со дозвола на клубот. После кратко време минато со семејството и пријателите, се упати кон Понтификал со коњ, а на пат доживеа несреќа при судар со животни, при што доби и удар од разбеснет коњ.
– Серхио е во добро раце, се бори за да се опорави и ја добива најдобрата нега од болничарите во Росио. Мора да бидеме претпазливи, особено во следните 48 часа.
– Сите очекуваме подобрување во неговата состојба, се надеваме дека ќе тргне на подобро и се надеваме со ново соопштение за подобри вести. Благодариме за покажаната поддршка, за испратените пораки за здравјето на Серхио. Ви благодариме за грижата, – се вели во соопштението.
Comunicado oficial | Sergio Rico pic.twitter.com/BuUzob1IWy
— You First (@TeamYouFirst) May 28, 2023
