Роберто Фирмино вчера го одигра последниот натпревар во дресот на Ливерпул, а откако претходно се збогува со „Енфилд“ со постигнат гол, сега тоа го направи и на „Сент Мери“.
Саутемптон и Ливерпул одиграа луд и неверојатен натпревар кој заврши 4:4, резултат кој најдобро ја отсликува сезоната која ја имаше тимот на Јирген Клоп во Премиер лигата.
Гостите започнаа фуриозно и поведоа со 0:2, му дозволија на новиот второлигаш да направи пресврт и да поведе со 4:2, но не се откажаа и на крајот израмнија на 4:4 и се изборија за бод.
Ова беше последен меч во дресот на Ливерпул за легендарните Боби Фирмино и Џејмс Милнер, а овој првиот се збогува со бразилска минијатура во негов стил.
Во акцијата за 0:2, Фирмино легна на земја двајца противнички дефанзивци пред да ја смести топката во мрежата, што дефинитивно е најдобар крај на кариерата во Ливерпул.
Bobby Firmino's final goal for the club ? pic.twitter.com/AjQkOZgB0C
— Liverpool FC (@LFC) May 28, 2023
