Претпоследното коло во шпанската Ла Лига донесе девет натпревари истовремено, на кои во фокусот беше борбата за опстанок, но и случувањата на „Камп Ноу“ поради емотивните сцени.
Барселона сосема рутински ја совлада Мајорка со 3:0 и запиша нова победа, но овој натпревар беше последен на домашен терен за капитените Серхио Бускетс и Жорди Алба.
Двајцата добија стоечки овации од навивачите и двајцата имаа различни реакции при излегувањето од игра, кое означи и крај на една ера во Барселона.
Левиот бек Алба со солзи во очите го напушти теренот и му го отстапи местото на Алонсо, а четири минути подоцна од игра излезе и Бускетс кој со насмевка на лицето се прости од фановите.
Резултатот беше во втор план поради збогувањето на капитените, но инаку победата ја осигураа Ансу Фати со два гола и Гави во вториот дел.
За разлика од славеничката атмосфера на „Камп Ноу“, голема тага ќе владее во другиот дел од градот, бидејќи Еспањол и официјално испадна откако одигра 2:2 на „Месталја“ против Валенсија.
5️⃣ #5ergioÚnic pic.twitter.com/rw39t60f0y
— FC Barcelona (@FCBarcelona) May 28, 2023
