(Фото/Видео) МУП потврди: Во хоророт во Белград убиени се осум ученици и чуварот, шест деца се ранети – пронајден ранецот во кој бил пиштолот, а во него имало и нешто друго

Спорен најновите официјални информации на МУП, убиени се осум деца и чуварот. Шест деца и еден наставник од училиштето се ранети и моментално се згрижени во Ургентниот центар во Тиршовој.

Малолетникот К.К. (14) којшто го извршил ова злосторство е ученик во училиштето и тој е пронајден и уапсен во дворот од училиштето.

На наставничката ѝ пукал во врат

Ученикот ѝ пукал на наставничката по историја во врат, а таа во таа прилика била ранета.

„Беше полна со трпение, предаваше така што сите го засакаа нејзиниот предмет“.

Ова е чуварот на училиштето којшто е убиен

Убиениот чувар е Драган Влаховиќ којшто важел за исклучително грижлив и внимателен човек во однос на децата.

Прво пукал во две девојчиња, на едно од нив директно во глава

Како што дознава српски „Блиц“, веднаш по чуварот ученикот прво пукал во двете дежурни девојчиња. На едното од нив му пукало директно во глава. Тоа се наоѓа на операција, нејзината состојба е тешка и за нејзиниот живот се борат докторите од неврохирургија на Клиничкиот центар во Србија. Другата дежурна ученичка се здобила со прострелни рани на нозете.

Важно известување за родителите

Родителите кои сè уште не стапиле во контакт со своите деца, повикани се од МУП да се јават во просториите на полициската станица Врачар.

МУП официјално потврди – убиени се осум деца и чуварот

Во пукањето кое утрово се случи во основното училиште „Владислав Рибникар“ на Врачар убиени се осум деца и чуварот, додека шест деца и еден наставник од училиштето се ранети и моментално згрижени во Ургентниот центар.

Ученикот од тоа училиште К.К. (2009) којшто се сомничи дека го извршил ова злосторство пронајден е и уапсен во училишниот двор.

Сите полициски сили и натаму се на терен и интензивно работат на расветлување на сите факти и околности кои довеле до трагедијата, соопшти МУП.

Во ранецот имало шишиња со запалива течност

Пукањето се случило во ходникот на училиштето, а во една училница, всушност во кабинетот за историја, пронајден е ранец во којшто бил пиштолот и неколку шишиња со запалива течност. Не се знае кому му припаѓа тој ранец, пренесува српски „Блиц“.