Следете го упатството и подгответе ја, а потоа уживајте во вкусот.

Состојки:

- 10 лажици пченкарно брашно;
- 5 лажици пченично брашно;
- 1 лажица прашок за печиво;
- 3 јајца;
- 7 лажици масло за јадење;
- 200 милилитри јогурт;
- 150 грама кашкавал;
- сол по вкус.

Подготовка:

1. Изматете ги јајцата, па додадете ги маслото за јадење и јогуртот во нив.

2. Додадете ги пченкарното и пченичното брашно, претходно помешани со прашокот за печиво, па мешајте додека не добиете хомогена смеса.

3. Исечкајте 100 грама кашкавал на коцкички и додадете ги, па повторно добро измешајте.

4. Посолете по потреба.

5. Ставете ја смесата во претходно подмачкан плех за печење.

6. Изрендајте кашкавал над неа.

7. Печете околу 20-на минути во рерна загреана на 200 степени Целзиусови.

Пријатно јадење!