Фустан во боите на зајдисонцето е хитот за ова лето
Направете место ова лето за уште еден тренд – фустан во боите на зајдисонцето.
Колекциите пролет/лето 2023, во голема мера беа инспирирани од природата, а залезот на сонцето спаѓа меѓу најинтересните феномени, токму заради неговиот колорит.
Она што фасцинира кај овој фустан е прелевањето на боите и нивниот интензитет.
Го има во различни варијанти од лежерен модел за на плажа до софистицирано парче за вечерна забава.
Нијансите, кои од жолта и портокалова полека преминуваат кон интензивна црвена и виолетова, ја прават оваа тоалета една пораскошна алтернатива на малиот црн фустан.
