Во исечокот од интервјуто кое магазинот „People“ го објави, ѕвездата на филмот Хју Грант открил дека една сцена од филмот не сакал да ја сними, а иронично, тоа е онаа сцена која на фановите им е омилена.

Танцот на премиерот

Култниот танц на премиерот Дејвид којшто го толкува Грант, е една од најпознатите сцени во филмот, а сепак актерот истата најмногу мразел да ја сними.

„Кога ја прочитав сцената во сценариото помислив: Па, ова ќе мразам да го правам. Не ми се допадна да ја снимам таа сцена, а не па да ја вежбам“, открил актерот.

Надвор од ритам

Режисерот на филмот, Ричард Кертис, се присетил дека Грант постојано одбивал да ја сними таа сцена:

„Мислам дека се надеваше дека ќе ја исфрлам од филмот“. Кертис открил и дека Грант бил мрзелив во текот на целиот ден на снимањето на сцената, но морал да ја одглуми поради обврските во договорот.

„Договорот е гилотина. И надвор од ритам сум, особено на почетокот кога мрдам со задникот“, се пошегувал актерот додавајќи дека негова идеја била додека танцува да го „улови“ неговата секретарка.