Водителот Џеј Лено (72) пред повеќе од една недела се здоби со тешки изгореници на лицето откако еден од неговите автомобили ненадејно се запалил во гаражата.
Центарот за изгореници во кој се лекувал објавил фотографии од водителот на кои се гледаат лузните на неговото лице, но и на рацете. Тој неодамна бил пуштен од болница, а на фотографиите кои ги објави „Page Six“ изгледа здраво.
„По 10 дена поминати во установата, Џеј ќе добива дополнителна нега во клиниката за изгореници „Grossman“ поради изгорениците на лицето, градите и рацете со кои се здобил во текот на пожарот. Сака да знаете дека е благодарен поради грижата што ја доби и за вашите добри желби. Се радува за тоа што ќе го помине Денот на благодарноста со семејството и пријателите и ви посакува прекрасни празници“, напишале од центарот.
Докторот кој го оперирал водителот, Питер Гросман, изјавил дека е задоволен од напредокот и е оптимистичен дека Лено во целост ќе заздрави.
