(Видео) Мане учтиво одговори по ниската провокација од газдата на Ајнтрахт: Им дадовме шест гола…

„Сетот“ од голови за гостите беше најавен во првото полувреме во кое видовме дури пет гола во мрежата на Трап, а еден од стрелците во овој период беше и најголемото засилување за Баерн, Садио Мане.

Сенегалецот одговори на теренот онака како што се очекуваше, а по натпреварот беше приморан да ги коментира и провокациите од газдата на Ајнтрахт.

Петер Фишер пред натпреварот порача „Кој по ѓаволите е Мане?“, изјава која дефинитивно му се удри од глава, бидејќи Садио постигна гол, а неговиот тим загуби 6:1.

– Слушнав што кажа, ги видов вестите, но тоа е само негово мислење. Можеби е во право, можеби не, но тоа не е моја работа. Денеска им дадовме шест гола на теренот. Секој играч во светот се мотивира после такви изјави, но тоа не ме вознемирува. Тој го дал само своето мислење и јас и натаму го почитувам, – вели Мане.