Тиквичките можете да ги приготвите на безброј начини. Денес ви претставуваме рецепт за тиквички полнети со месо.

Подгответе сочен фил со кој ќе ги исполните чамчињата од тиквички, потпечете ги и уживајте!

Потребни состојки:

- 2-3 тиквички
- 500 гр. мелено месо
- 1 главица кромид
- 1 пиперка
- 4 лажици варен ориз
- магдонос
- кашкавал
- доматен сос
- доматно пире

Начин на подготовка:

Пресечете ги тиквичките во должина, па издлабете им ја средината (направете чамчиња). Потоа, во тава на масло продинстајте го кромидот, додајте го меленото месо, а потоа и варениот ориз.

Додајте една сечкана пиперка, па потоа и средината што сте ја издлабиле од тиквичките. Додајте и магдонос, доматен сос и пире и зачини по вкус.

Наполнете ги тиквичките со филот, ставете ги во тава за печење и покријте ги со фолија, а потоа печете ги во рерна на 200 Целзиусови степени околу 30 минути.

Додајте кашкавал и магдонос, печете уште 5 минути и послужете ги.