Досега во главно се случувало европски компании да тужат кинески произведувачи на автомобили поради кршење на авторски права во врска со дизајнот на нивните автомобили. Овој пат ситуацијата е обратна.
Кинеската "Human Horizons" го тужи "Renault" и неговиот подбренд "Mobilize" за кршење на авторските права поради сличноста на логотипот "Mobilize" и логотипот кој го користи одделението "Human Horizons HiPhi X".
"Human Horizons" на автомобилската сцена влегол пред неколку години со претставување на својот целосно електричен "HiPhi X". Станува збор за едно од најинтегрираните електрични возила лансирани во Кина, а на хаубата се наоѓа логото "HiPhi", кое се состои од вертикални линии со две закривени линии од двете страни.
HiPhi and its parent Human Horizons have applied for an injunction against Renault and its mobility brand Mobilize Beyond in a German court. HiPhi says the logo used by Mobilize Beyond on concepts and the Mobilize Limo sedan infringes the trademark of its logo registered in 2018 pic.twitter.com/p6HVz0yERK
— Greg Kable (@GregKable) January 20, 2022
Само неколку месеци по премиерата на "HiPhi X", "Renault" го претставил својот прототип "Mobilize E3-1". Тоа е радикално поинаков автомобил од "HiPhi X", но неговиот логотип исто така содржи вертикална линија окружена со две од секоја страна. Клучната разлика е што знакот на "HiPhi" е накривен за 45 степени, а линиите се малку поголеми.
Кинеската компанија смета дека сличностите меѓу знаците можеле да имаат влијание на нејзините планови за ширење во Европа, поради што поднела тужба до германскиот суд во октомври минатата година и од "Renault" бара да престане да го користи логотипот. Судскиот спор на двете компании моментално е во тек.
