Пирс Морган „распали“ по Ѓоковиќ: Лажгото анти-ваксер ќе биде исфрлен од Австралија

Дерби

16/01/2022

13:45

2.872

Големина на фонт

а а а

Познатиот англиски новинар, Пирс Морган го искористи својот Твитер профил да упати жестоки критики на адреса на Новак Ѓоковиќ кој денеска и официјално го изгуби спорот со австралиските власти и ќе мора биде депортиран од Австралија.

Морган го нарече Ѓоковиќ лажго и измамник, притоа нагласувајќи дека последната одлука на судот во Австралија е правилно донесена.

По цели 12 дена голгота низ која минуваше Ѓоковиќ, утрово беше донесена одлука неговата виза сепак да биде укината и тој да ја напушти Австралија во најкраток можен рок.

– Измамникот на ковид правилата, лажгото за имиграционата форма и анти-ваксерската икона, Новак Ѓоковиќ ја загуби последната жалба против неговата депортација и ќе биде исфрлен од Австралија без да има можност да се натпреварува на Австралија Опен. Тоа е добро, -напиша Пирс Морган на својот Твитер профил.

Морган важи за човек кој нема „влакна“ на јазикот па и овојпат јавно и отворено го искажа своето мислење за ситуацијата која беше тема број еден во светот на спортот изминатиов период.



Спонзорирани линкови

Маркетинг