Паб во кој гостите плаќаат по 2 евра секојпат кога ќе го изговорат зборот „коронавирус“

Точка

16/01/2022

14:35

18.064

Големина на фонт

а а а

Еден паб во Ирска одлучил да им наплаќа на своите гости секогаш кога ќе го изговорат зборот коронавирус и пандемијата во која се наоѓаме.

Имено, на шанкот поставиле пластична чаша во која гостите при секое споменување на зборот Ковид, ќе мора во истата да стават две евра.

Кристофер Мур, менаџер на локалот изјавил дека досега на тој начин биле собрани 280 евра, како и дека сите приходи ќе бидат донирани во локалната болница Донегл.


„Додека ги послужуваме гостите и стоиме покрај нивната маса, ги слушаме нивните разговори и знаеме за што разговараат.

За што и да почнеме да разговараме, темата секогаш е вирусот. Сакавме да ја смениме атмосферата и да ги поттикнеме луѓето да зборуваат за вообичаени работи“, изјавил Мур.

Во барот била започната и „GoFundMe“ кампања.

„Сè започна како забава, а се претвори во одличен начин за собирање средства за болни лица. Собираме пари за да ѝ помогнеме на локалната болница и секоја донација ќе помогне“, напишале вработените во барот „Alt“.

Due to the high volume of people/business that have started there own "COVID" jars to raise funds for Donegal hospice....

Posted by Alt Bar on Tuesday, January 11, 2022

Мур раскажал дека гостите сега се обидуваат да ги „излажат“ пријателите, така што сето тоа станало како еден вид игра и забава.

„Сите сега зборуваат за други работи, иако пандемијата им е во мислите. Забележавме дека луѓето повторно зборуваат за времето. Не е лошо да одвоите еден час или два од своето време и да не зборувате само за пандемијата“, додал тој.




Спонзорирани линкови

Маркетинг