На Бојана Беливук, Тања Миљковиќ, како и на тештата на Беливук Снежана Ѓорѓевиќ и невенчаната сопруга на членот на групата Филип Ивановски, им е запленет имотот.
Сопругата на Вељко Беливук, алијас Веља Неволја, Бојана Беливук, која вчера наутро била уапсена со својата мајка Снежана Ѓорѓевиќ, по апсењето на Веља Неволја и неговата криминална група ја напуштила Србија, но сепак се вратила пред околу три месеци. Таа престојувала во Грција, каде според првобитниот план требало и да остане, но сепак се вратила за да се породи во приватна клиника во Белград кај докторот кај кого веќе родила две деца.
Според сознанијата на "Blic", тештата на Веља Неволја, Снежана Ѓорѓевиќ, а која исто така е приведена, не учествувала директно во перењето на пари, како што постои сомнеж за Бојана. Извор на "Blic" близок на истрагата наведува дека според досегашните податоци, на нејзино име се купувани недвижнини и земја. Меѓутоа, дали знаеле дека тоа се пари од друга и колку воопшто била упатена во работите на зетот, засега не може да се прецизира и тоа би можело да биде појасно откако ќе бидат земени изјави.
Српски "Kurir" пишува дека Марко Миљковиќ и Вељко Беливук, од средствата за јавно информирање дознале дека нивните сопруги се уапсени. "Пцуеја, не можеа да го сокријат бесот", вели изворот на "Kurir".
Бојана Беливук и Тања Миљковиќ биле приведени во зградата на обвинителството на Востаничка улица. Во истата зграда инаку има и посебна притворска единица во која се нивните сопрузи.
Бојана Беливук ја користела секоја можност да докаже дека не знаела со што се занимавал нејзиниот сопруг. Така по апсењето на Веља Неволја минатата зима, кога со полиција бил доведен во станот во кој живее, за да присуствува во претресот, Бојана вербално го нападнала.
Според тогашните наводи таа велела "што ни направи", а Веља наводно се обидувал да ја смири и велел дека не направил ништо.
Иако тврдела дека не знае со што се занимава нејзиниот сопруг, наводите на сведоците - членови на групата на Беливук и Миљковиќ, укажуваат на спротивното.
Постои и снимка до разговорите на сопружниците со поранешниот полицаец Драган Секулиќ, кој го променил името во Владо Георгиев и кој бил дел од групата на Беливук и Миљковиќ. На таа снимка се слуша како се фалат со лажни пасоши и документи. Дури и Бојана споменувала патување во Грција и се потсетувала како Вељко патувал со пасош кој гласел на име Бранко.
Во наводите на сведоците се споменува и сопругата на Беливук. Еден од тие случаи е врзан за времето пред убиството на нишкиот "пинк пантер" Милан Љепоја. Беливук со сопругата отишол на семеен ручек со осомничените припадници на групата Владо Георгиев и неговата сопруга Слаѓана Секулиќ. Двата брачни пара опуштено седеле и ручале, а потоа Беливук и неговата сопруга отишле во еден салон за мебел. Потоа во куќата на стравот во Ритопек брутално бил ликвидиран Љепоја.
Вељко и Бојана Беливук добиеле трето дете, син, кон средината на септември. Бојана се вратила во Белград, а Веља Неволја веста ја дочекал во затвор. Тие веќе имаат син и ќерка. Според неофицијалните наводи, на најмладото дете му го дале името Нео, по главниот лик од американскиот хит филм "Матрикс".
