Познатото „Lazzarini Desing Sudio“ го претстави концептот на првата хипер јахта на светот – „Gran Turisimo Mediterranea“.
Луксузното пловило е долго 27 метри, додека пак дизајнот е инспириран од „Ferrari“ автомобилите.
Не можете да не ја забележите славната црвена нијанса (Rosso Corsa), како ниту ознаките од италијанскиот автомобилски бренд.
Командната кабина е уредена како тркачки кокпит, вклучувајќи спортски седишта и gullwing врата. Секако посебно место е сочувано за вашиот скапоцен автомобил и тоа на задната палуба.
Внатрешноста на јахтата е доволно пространа за четворица патници и три членови на посадата, пренесува британски „The Sun“.
„GTM“ не е мегајахта со базени, теретана, дискотека и кино, но е исклучително атрактивна, комфорна и визуелно импресивна.
Ја придвижуваат два MAN V12 агрегати, а поседува „крилја“ со помош на кои лебди на брановите, при брзина до 130 км/ч.
Лазарини истакнува дека станува збор за концепт кој во овој момент не е планиран за изработка. Но, којзнае... Можеби ќе се најде некој љубител на „Ferrari“ чиј џеб е доволно длабок за ваков потфат.