Домашните миленици се атракција на Инстаграм, а постојат и посебни профили кои се посветени само на животни, најчесто кучиња или мачки.
Некои од тие миленици на Инстаграм се вистински ѕвезди и имаат голем број следбеници. Едно од нив е и кучето Меки кое е популарно помеѓу корисниците на оваа социјална мрежа поради необичниот изглед. Имено, Меки е мешавина од расите хаска и германски овчар.
Бојата на неговото крзно е специфична за германските овчари, додека ледено сините очи и градбата на телото е карактеристична за хаските.
Сопствениците на Меки речиси секојдневно објавуваат снимки и фотографии од својот миленик, а луѓето се воодушевени од неговиот посебен изглед.
Меки на Инстаграм го следат речиси 50.000 луѓе, додека на ТикТок има над половина милион следбеници.
