Загрепската полиција денеска известила дека во средата, ден пред натпреварот меѓу ХНК Динамо и Вест Хем Јунајтед, во центарот на градот спречила можност за поголем навивачки судир и привела седум пијани гостински навивачи.
Полицијата прецизирала дека во околу 21:25 часот на тераса на кафуле во Загреб забележала тензии меѓу гостинските и домашните навивачи и со употреба на телесна сила и палки издвоила и задржала четири државјани на Велика Британија на возраст од 23, 20, 25 и 23 години кои се наоѓале во група која физички и со помош на столчиња, кригли и шишиња нападнала двајца хрватски државјани на возраст од 26 и 21 година.
Во исто време, интервентните полицајци, кои исто така се наоѓале во зоната на судирот, со употреба на сила издвоиле уште еден британски државјанин на возраст од 25 години, а приведени биле уште двајца Британци кои меѓусебно се тепале на тераса од кафуле, додала полицијата.
Објавена е и снимка од нападот на која се гледа како навивачите на Вест Хем напаѓаат навивачи на Бед Блу Бојс.
Потсетуваме, Динамо Загреб и Вест Хем го играат својот натпревар вечерва со почеток во 18:45 во рамките на Конференциската лига.
West Ham fans in Zagreb last night.
— HooligansTV (@HooligansTV_eu) September 16, 2021
Today: Dinamo Zagreb - West Ham.
Video @Westhamjordan92 pic.twitter.com/fWmTY167IJ
