Иако немаше многу публика на стадионот, церемонијата за отварањето на Олимписките игри во Токио беше навистина спектакуларна.
Церемонијата траеше неколку часа, а дел од неа беше и светлосното шоу за кое биле искористени 1.824 дронови.
Дроновите биле искористени со цел логото на Олимписките игри да биде претворено во ротирачки глобус.
На сличен начин дроновите биле користени и претходно, на пример кога за Супер Боул во 2017 година 300 дронови го формираа американското знаме.
Сепак, технички, бројот на дронови во Токио не е рекорден, бидејќи таа титула му припаѓа на автомобилскиот бренд Хјундаи Генесис. Во Шангај, Кина за тоа светлосно шоу бил употребен 3.281 дрон.