Еден корисник на Редит им поставил прашање на мажите што научиле или откриле кога започнале да живеат со жена, а досега се објавени повеќе од 14 илјади одговори.
Ова се дел од нив:
1. „Таа има само еден добар градник. Дел од мојата должност како маж е да внимавам секогаш да е испран, уредно здиплен и морам да го заштитам со сите расположливи средства. Жени, зошто имате само еден добар градник?“.
2. „Научив дека бањата може да мириса на сапун, цвеќе и кокос“.
3. „Миењето коса и туширањето се очигледно две различни работи“.
4. „Ако јас оставам нешто на кујнскиот шанк, тоа ќе биде фрлено. Ако таа остави нешто таму, тоа е сега неговото ново место“.
5. „Џебовите на женските панталони се реткост“.
6. „Постои погрешен начин за простирање на облеката да се суши“.
7. „Невиното кратко чистење, под вистински околности, може да стане темелна реорганизација на мебелот во домот ако не си внимателен“.
8. „Дознаваш колку всушност храна може да собере во фрижидерот“.
9. „Шминкањето трае многу долго“.
10. „Целиот живот погрешно сум ја перел облеката“.
11. „Толку лошо ја полнам машината за перење садови што ми е забрането веќе да го правам тоа“.
12. „Никогаш не можеш да имаш премногу перници, чаршафи и прекривки“.
13. „Колку и да чистиш со правосмукалка, секогаш ќе има коса насекаде“.
14. „Секогаш мислев дека хигиенските влошки функционираат како фластери и дека жените само ги лепат на вагината и тие впиваат сè. Имав 27 години кога девојка ми ме испрати да ѝ купам влошки, па ѕирнав во кутијата. Делот кој се лепи беше на другата страна од влошката и тогаш сфатив дека тие всушност се лепат на долната облека, а не на вагината. Жалам што ѝ го кажав тоа бидејќи се смееше до солзи, а потоа ѝ се јави на мајка ѝ да ѝ раскаже сè“.
