Хелсинки започна со тестирање на тивки, автономни роботи кои не ја загадуваат околината, а ги одржуваат улиците чисти без притоа да ги вознемируваат жителите.
Возилото наречено Trombia Free го започна своето тест возење на улиците на Хелсинки вчера, а тестирањето ќе заврши на 27-ми април. Trombia ќе се движи во вечерните часови на една од најфреквентните улици во градот, а во негова надлежност ќе биде и една велосипедска патека.
Директорот на Trombia Technologies, Анти Никанен изјави дека возилата се автономни, електрични и многу тивки, а може да се користат навечер кога има најмал метеж во сообраќајот.
За време на работата, роботското возило ќе го надгледува оператор, а самото возило е опремено со сензори за детектирање на препреки и пешаци.
Trombia Free е првиот електричен автономен чистач на улици кој користи околу 15% електрична енергија и мал дел на вода во споредба со традиционалните машини за чистење на улици.