Продажбата на стан кој се наоѓа во гаража во Хрватска зачуди многумина. Неговиот сопственик прима само готовина, а можна е и замена за друг недвижен имот на Брач.
Станува збор за трособен стан со површина од околу 50 квадратни метри кој се наоѓа во Долна Дубрава.
Станот се продава наместен, нов и уреден и чини 446.845 куни односно околу 59.000 евра. Кога ќе ги видите фотографиите, на прв поглед изгледа како и секој друг стан, но она што е „специфично“ за него е тоа што се наоѓа во јавна гаража.
Како што се наведува во огласот, станот е 100% сигурен, граден е од бетон и армирано железо, а при потресот не бил оштетен. Во документите е наведен како деловен простор, но е преименет во стан за живеење со 3 помали соби, дневна соба со кујна, купатило и ВЦ.
Овој необичен стан е многу интересен бидејќи е кружен, а ако ви затреба паркинг, можете да пронајдете место веднаш пред него. Влезната врата и прозорците гледаат кон гаражата низ која поминуваат автомобили.