Американскиот претседател Доналд Трамп објавил дека Мичиген одбил да ги потврди резултатите од претседателските избори, одржани на 3-ти ноември.
"Мичиген одби да ги потврди изборните резултати. Да се покаже храброст е прекрасна работа. Америка е горда", напишал Трамп на Твитер.
Потсетуваме, државниот суд во Мичиген ја одбил пред пет дена жалбата на правниот тим на Доналд Трамп кој барал да се прекине со потврдувањето на гласовите во Детроит, каде повеќе гласови освоил Џо Бајден.
Wow! Michigan just refused to certify the election results! Having courage is a beautiful thing. The USA stands proud!
— Donald J. Trump (@realDonaldTrump) November 18, 2020
Во жалбата пишувало дека дошло до изборна кражба и нерегуларности при гласањето, со барање да се прекине со потврдувањето на гласовите во Детроит и да се повторат изборите.
Во образложението на Судот, округот Вејн го одбил наводите велејќи дека членовите на изборната комисија и набљудувачите добро ја завршиле својата работа.
