Лионел Меси е едно од најголемите фудбалски имиња на сите времиња, па сосема очекувано е тој да ужива голема почит кај останатите фудбалери.
Меси ја носи капитенската лента во таборот на Аргентина, а токму еден негов соиграч од репрезентацијата даде интересен коментар поврзан со Меси.
Играчот на Удинезе, Родриго Де Паул со својот коментар јасно посочи дека Меси има огромна почит кај сите соиграчи во репрезентацијата и истакна дека доколку тој од нив побара да заминат во војна, тие ќе го сторат тоа.
– Кога Меси ви е капитен и ако од вас бара да одите во војна за него, тогаш тоа го правите без прашање, -изјави Де Паул.
На Лео Меси во богатата ризница трофеи му недостасува само титулата од Светското првенство која никако не може да ја освои со репрезентацијата на Аргентина.
