Претседателот на Русија, Владимир Путин, потпишал закон со кој се забранува плаќање со криптовалути во Русија.
Законот предвидува од 2021-ва година трансакциите да се извршуваат со дигитални финансиски средства, но се забранува користење на криптовалути како средства за плаќање.
Документот од 107 страници е објавен на официјалниот интернет портал за правни информации. Документот ги регулира односите што произлегуваат од издавањето, пресметката и прометот на дигиталните финансиски средства.
Законот исто така забранува и рекламирање на дигитална валута како начин на плаќање. Граѓаните можат да станат сопственици на дигитални финансиски средства (токени), но само доколку се создадени во рамки на руското законодавство.
Купување и продавање на дигитални средства ќе биде можно во рамки на специјалните информативни системи, кои мора да бидат во согласност со руското законодавство и да бидат вклучени во регистарот на Банката на Русија.
