Microsoft Edge стана вториот најпопуларен веб прелистувач на светот со 7,6% удел на пазарот, со што Mozilla Firefox падна на третото место со 7,2% удел.
Не е тешко да се претпостави зошто се случува ова – најпрвин треба да се тргне од фактот што Microsoft Edge е веќе инсталиран на секој компјутер кој работи на оперативниот систем на Windows.
Понатаму, базиран е на Chromium, исто како и Google Chrome, па затоа е значително полесен за користење. Како што пренесува Engadget, популарноста на Microsoft Edge исто така порасна затоа што беа исправени бројни недостатоци во однос на Internet Explorer.
Microsoft Edge becomes the second most popular desktop web browser https://t.co/2GFUEDccvg pic.twitter.com/qZSEZTmMjn
— Engadget (@engadget) April 5, 2020
Google, секако, воопшто не треба да биде загрижен поради порастот на популарноста на Microsoft Edge. Тешко дека Edge може да го загрози Google Chrome, а со ова само се зголемува присуството на прелистувачите кои работат на Chromium.
