Скандал во Штип: Две лица брутално тепаат девојка и снимаат со мобилен телефон

Точка

02/04/2020

12:09

13.158

Големина на фонт

а а а

На социјалните мрежи се појави скандалозно видео на кое може да се види како две лица брутално претепуваат девојка во влез од зграда.

По кратката расправија, едниот од насилниците ја нападна девојката со шлаканици и клоци, а потоа и другиот од нив започна да ја тепа девојката која беспомошно застана во аголот. Бруталниот напад на девојката двајцата насилници го снимиле со телефон, а видеото денес заврши на социјалните мрежи.

Видеото кое се појави во неколку групи на „Фејсбук“ го навлече гневот на граѓаните кои повикуваат на линч на насилниците и ги повикуваат Обвинителството и МВР итно да преземат соодветни мерки.

Славјанка Петровска од МВР предмалку ја информираше јавноста на својот профил на „Фејсбук“ дека насилниците (на социјалните мрежи идентификувани како П.Р. и С.А.) се идентификувани и експресно приведени од страна на полицијата.



Спонзорирани линкови

Маркетинг