Како што се наведува, до инцидентот дошло во градот Рот ам Зеу.
Најмалку шест лица биле убиени денес во пукање во Германија, а според првичните информации, напаѓачот е уапсен.
Истрелите се слушнале во малиот град во Германија, каде живеат само 5.300 жители, а се наоѓа на 110 километри од Штутгарт.
Локалните медиуми објавиле дека има шест мртви, додека полицијата само рекла дека има "многу загинати и повредени".
⚠️POLIZEIEINSATZ⚠️
— Polizei Aalen (@PolizeiAalen) January 24, 2020
Größerer Polizeieinsatz in #RotamSee, da dort geschossen wurde. Mehrere Verletzte, vermutlich auch Tote bei einem Gebäude. #Tatverdächtiger wurde #festgenommen.
Nach ersten Erkenntnissen liegt ein Beziehungsverhältnis vor.
Keine Hinweis auf weitere Täter.
Германските медиуми шпекулираат дека мотивот за масакрот е "љубов односно љубомора". Органите за ред рекле дека не станува збор за терористички напад, туку за "семејна расправија".
Полицијата соопштила дека примила повик во околу 12:45 часот и дека ситуацијата е под контрола по акцијата на органите за ред.
"Има поголема полициска операција во Рот ам Зеу, каде дошло до пукање во зграда. Веројатно има загинати, а неколку луѓе се повредени. Засега нема докази за други извршители", стои во објавата на локалната полиција на Твитер, која додала дека ситуацијата е под контрола.