Спасувачка екипа од Србија извади две безживотни тела од урнатините во албанскиот град Туман, кој беше најтешко погоден од вчерашниот земјотрес.
Извлечени се телата на маж и жена, објави РТС.
Според албанскиот портал Indeksonline.net, станува збор за брачната двојка Грегу. Безживотните тела на Пелумб Грегу и неговата сопруга беа извлечени 30 часа по земјотресот.
Телото на нивниот син Саимир Грегу беше извлечено од урнатините вчера, но без знаци на живот.
Медиумите посочуваат дека во земјотресот загина целото семејство.
