Поранешниот фудбалер на Манчестер Јунајтед, Дарен Флечер истакна дека е изненаден затоа што Оле Гунар Солскјер не му дава шанса на еден од помладите играчи иако тој константно нуди одлични партии.
Имено, Флечер смета дека 18 годишниот Џејмс Гарнер заслужува повеќе шанса за настап и потенцираше дека тој ќе биде следен фудбалер кој долго ќе остане во Манчестер Јунајтед.
– Луѓето зборуваат за лидери и за тоа кој ќе им помогне, што нормално е важно. Сепак, како што одминува сезоната ќе видите многу повеќе од Џејмс Гарнер затоа што тој е играч од топ класа. Изненаден сум зошто не игра до сега, но до крајот на сезоната сум сигурен дека луѓето ќе знаат кој е тој, доколку не знаат сега, - истакна Флечер.
Гарнер е најдобар играч на у23 тимот на Манчестер Јунајтед, а во подготвителниот период доби шанса за настап и постигна и еден гол во дресот на сениорскиот тим на „ѓаволите“.
