Американката Сара Томас (37) стана првата личност која го преплива Ла Манш кој го одвојува островот Велика Британија од северна Франција, четирипати без престан.
Томас епскиот предизвик го започнала во раните утрински часови во неделата, а го завршила за нешто повеќе од 54 часа во Довер.
Доверскиот премин е најдолгиот дел од каналот кој е широк 34 километри.
Пливачката на ултрамаратонот на отворено која минатата година се излечила од рак на дојка својот успех го посветила на луѓето кои ја победиле таа опасна болест.
Само три пливачи претходно успеале да го препливаат Англискиот канал трипати без прекин.
Extraordinary, amazing, super-human!!! Just when we think we’ve reached the limit of human endurance, someone shatters the records. Huge congratulations to Sarah Thomas on swimming the English Channel 4x continuously!!! 🏴🏊♀️🇫🇷 🏊♀️🏴🏊♀️🇫🇷🏊♀️🏴 pic.twitter.com/kOa9QlereH
— Lewis Pugh (@LewisPugh) September 17, 2019
Официјалниот набљудувач Кевин Марфи изјавил дека Томас на овој начин ги проверила границите на нејзината издржливост.
„Прекрасно е, апсолутно импресивно. На крајот сите бевме многу емотивни“ - изјавил Марфи.
Американката првпат го препливала Ла Манш во 2012-та година, а потоа во 2016-та. Во саботата пред да го започне својот подвиг таа на Фејсбук напишала дека стравот ѝ е предизвик.
„На ова чекав подолго од две години и силно се борев за тоа. Дали сум сто проценти подготвена? Не. Но, јас сум најдобра моментално“ - напишала Томас.