Доколку сте љубител на мачки, но поради алергиите не можете да бидете во нивна близина, на вашите маки им доаѓа крајот бидејќи научниците откриле вакцина која ја лекува алергијата на мачки.
Луѓето дијагностицирани со алергија на мачки всушност се алергични на протеинот Fel-d1 кој се наоѓа во крзното на овие животни. Овој протеин се закачува на првутот на мачките и на тој начин се шири во просторот во кој мачката живее или престојува.
News for patients with cat allergy: A study provides evidence that cat vaccination against the major cat allergen Fe1 d 1 can reduce Fel d 1 level in cat secretions and potentially minimize its ability to cause a human allergic response. https://t.co/0QhH4kJ33M
— Journal of Allergy and Clinical Immunology (@jacionline) August 8, 2019
Кога Fel-d1 ќе влезе во организмот на лицето кое е алергично, доаѓа до зголемено лачење на хистамин што предизвикува црвенило на очите, кивање и отежнато дишење. Ова е особено опасно за луѓето кои боледуваат од астма или некој друг облик на болести на дишните патишта.
Вакцината наречена “HypoCat” е решение за сите луѓе кои го имаат овој проблем. Научниците ја развивале оваа вакцина подолго од десет години, а истакнуваат дека досегашните истражувања и експерименти покажале дека е многу делотворна.
“HypoCat” се вбризгува во мачките, го зајакнува нивниот имунолошки систем и на тој начин помага да се елиминира протеинот Fel-d1 од нивниот организам.
Вакцината уште не е достапна за комерцијална употреба.